انا عايش و مش عايش..........أنا مش هغني
أنا بس بفكر ازاي أكون عايش بس...........مش عايش
قبل اي حاجه لازم احط الاساس
الا بذكر الله تطمئن القلوب
لو مش مطمن و قلقان و حزين
حاسس انك مش لاقي نفسك
مش عارف انت عايش ولا ..........
قوم اتوضى و صلي ركعتين و ناجي ربنا
بأسهل لغه ممكن تستخدمها
لانه اقرب اليك من حبل الوريد.........عارف اللي فيك و عارف المك و حزنك ........و هو ارحم بيك من أي حد
طيب مش ممكن نسأل ايه ممكن يكون سبب بعدك ده او حزنك و قلقك
يمكن تكون مش محدد هدفك..........يعني مش عارف انت عايش بتعمل ايه ........او عايش عشان توصل لايه
هدفك و نيتك ابدأ بيها قبل اي عمل
جدول حياتك و خليك صاحي لكل حدث حواليك...نصيحه جامدة و ليه قبل ما تكون ليكو
نيه خالصه و ثقه بالله و علطول افتح ع الرابع و سيبك من اي حد ممكن يهدمك او يأخرك
بس حاول دايما تخلي جنبك شخص يبقى سند ليك
مش هتقدر تعيش لوحدك
مش هتقدر تكمل
حب اللي حواليك و خلي مساعدتهم نقطه مهمه في حياتك
متزعلش من حد و بادر بالمسامحه
اعمل اصحاب و اخوات و اهل
مفيش حاجه مهما كان جمالها
تقدر تكمل فيها الا و في انسان بتحبه جنبك و معاك
كده كل حاجه يبقى ليها طعم تاني
و تبقى ساعتها
عايش عايش
هناك 4 تعليقات:
جزاكي الله يا أسماء
دايما تنجديني قبل ما أغرق بلحظات
عارفة ..
بردة من أسباب الخنقة هو للأسف فقدان الثقة بالله _والعياذ بالله_ أن الواحد بيبقي مش واثق بأن ربنا هيكرمه دايما بالخير
ودايما بننسي _وأنا أولكم _أن الخير من عند ربنا وأي شر بييجي وبيصيبنا بيبقي من عندنا إحنا البشر ومما أقترفته أيدينا
جزاكي الله خير يا أساء
جزاكى الله خيرا على موضوعك يا اسماء
فعلا الواحد احيانا كتير بيستسلم للزهق والخنقه
وينسى انه لو لجأ لربنا كل ده هيضيع بأذن الله
مرسي على التذكرة الجميله يا حبيبتى
وللامام دايما
جزاكي الله خيرا يا رغده
عندك حق
لو توكلتم على الله حق توكله لرزقكم كما يرزق الطير
منورة يا اختي
و جزاكي الله خيرا يا علياء
لازم نرجع لربنا في كل وقت
و مننساش اننا بنحتاج دايما حد يذكرنا
لان الشيطان بيقدر ع الانسان و هو لوحده
لكن لو في وسط جماعه
و تعايشوا و حبوا بعض في الله
و بقوا اخوات بجد
مع بعض يقدروا على اي حاجه و يعملوا المعجزات
إرسال تعليق